- Padayon an aton Aurora kada Sabado sulod hini nga bulan han Rosaryo. Mayada pa kita usa ka Sabado ugsa han aton Grand Aurora nga aadato ha Sitio Amanantas. An aton Grand Aurora pagbubuhaton ha Octubre 31 ha alas 4 han maagahon. Kahuman han Aurora an Santos nga Misa ha pagsaurog han Fiesta han Birhen del Rosario. Nagtitinikang na an aton Nobenaryo han del Rosaryo ug yana nga tuig, an mga pangandaman han aton Grand Aurora ug an Fiesta han del Rosaryo in pangungunahan han aton Ministry of Lectors.
- Ha pagpangandam han pangasal han mga Amancebados dinhi ha aton Parokya; magkakamay-ada kita Information Drive bahin han Sacramento han Pagkasal yana nga maabot nga October 29, Sabado. Panuyo hini nga matukib an mga maatender bahin han Sakramento han Pagkasal ug an kaimportante ini. Okasyon gihap ini nga masayuran ug makapakiana han mga posible nga makaurulang ngan mga remedyo ha pagkarawat han Sakramento. An maatender han seminar diri karuyag sidngon nga magpapaksal na. Sanglit gin iimbitar an mga amancebados nga may mga pakiana ug nagpapalano hin pagkarawat han Sakramento han Pagkasal pag atender.
- Matikang yana nga adlaw an Patronal Visitation han aton Mahal nga Patrona ha mga Kapilya sakop han aton Parokya. Mayada kita Misa ha kada Kapilya ugsa bumalhin an Imahen ngadto han sunod nga Kapilya. Dida hini nga okasyon amo gihapon an pangumpisal han mga First Communicants ug paghalad han mga intentiones han mga kalag ha Purgatoyo.
- Nagpapadayon na an aton Nobenaryo ha aton pangandaman han mga Fiesta han Kasantusan ug mga Minatay. Adto gusto maghalad hin pag ampo han ira mga hinugugma nga nagkamatay na in mahimo magpaliosta ha aton Parish Office. Mayada liwat mga Donation Envelopes nga igpapanhatag an aton parokya kon diin pwede didto igsurat an mga pamisa han mga kalag. Kon mahimo 150 an donasyon kada sobre para mataparan an aton printing han sobre ug labaw han ngatanan para maka dugang han pondo han aton parokya para hin dugang nga mga proyekto ug improvements. Aadi an mga schedule han Misa dinhi ha aton Main Church han November 1 and 2 (6am / 8am.)
- Nagpapadyon an mga inprovements han aton parokya. Usa ini nga pangilal-an nga nagtutubo kita ha aton pagtuo ug han aton kamagburugto sa Diyos. Yana, gintikangan na naton an pag alkoba han aton Main Church. An bug-os nga kantidad han pag alkuba maabot hin ₱350,000.00 (three-hundred fifty thousand pesos). An aton Raffle Draw nga hingyap naton makatirok hin ₱500,000.00 para hini ng proyekto inabot la hin sobra ₱100,000.00 (one-hundred thousan pesos). Sanglit mapainubsanon nga nahangyo an aton parokya pangaro hin dugang pa nga bulig ha iyo ngatanan agud mahuman naton ini nga pag-alkuba ugsa an aton Patron ha November 27. Nagpapasalamat an aton Parokya han aton mga kabugtuan nga nagduhol dayon hin bulig kahuman la makabati hini nga Announcement tikang han nag-agi nga Domingo hangtud yana. Padayon pa unta an aton suporta. Salamat.
