AN SANTOS NGA ROSARYO
- Tungod san Tigaman…
- Natoo ako
- Amay Namon
- Maghimaya ka Maria (tolo ka beses)
- Himaya sa Amay
- Syahan nga Misteryo ngan pagsundan san
Amay Namon,
napulo nga Maghimaya ka Maria,
Himaya sa Amay, ngan
O Jesus ko - Ika-duha nga Misteryo ngan pagsundan san
Amay Namon,
napulo nga Maghimaya ka Maria,
Himaya sa Amay, ngan
O Jesus ko - Ika-tolo nga Misteryo ngan pagsundan san
Amay Namon,
napulo nga Maghimaya ka Maria,
Himaya sa Amay, ngan
O Jesus ko - Ika-upat nga Misteryo ngan pagsundan san
Amay Namon,
napulo nga Maghimaya ka Maria,
Himaya sa Amay, ngan
O Jesus ko - Ika-lima nga Misteryo ngan pagsundan san
Amay Namon,
napulo nga Maghimaya ka Maria,
Himaya sa Amay, ngan
O Jesus ko - Maghimaya ka Reyna
- Letania han Virgen
- Pag-ampo
- Sa ngaran sa Amay …
TUNGOD SAN TIGAMAN
Tungod han tigaman +
han Santa Cruz,
ha amon + mga kaayaw,
bawi-on Mo kami + Ginoo nga Dios namon.
Ha ngaran han Amay ug han Anak + ug han Espiritu Santo. Amen.
NATOO AKO
Natoo ako ha Dios Amay, nga makagarahum han ngatanan, magburuhat han langit ug han tuna;
ug kan Jesucristo, Iya bugtong nga Anak nga aton Ginoo: nga iginpanamkon ha larang han Espiritu Santo; igin-anak ni Santa Maria Virgin; ginhakit ha sugo ni Poncio Pilato; iginrayhang ha Cruz; namatay ngan iginlubong; linusad ha mga infierno; ha ikatolo kaadlaw nabuhi liwat dida ha mga minatay; sinmaka ha mga langit; nalingkod ha too ha Dios Amay nga makagarahum han ngatanan; tikang didto makanhi liwat kay maghuhukum han mga buhi ug han mga minatay.
Natoo ako ha Dios Espiritu Santo, nga may Santa Iglesia Catolica; nga may pagka-angbitan han mga santos; nga may ikawawara han mga sala; nga may pagkabuhi han mga lawas; nga may kinabuhi nga waray katubtuban. Amen.
AMAY NAMON
Amay namon nga aada ka ha mga langit, pagdayawon an Imo ngaran, ikanhi Mo ha amon an Imo ginhadi-an, ipasunod an Imo pagbuot dinhi ha tuna sugad han pagsunda didto ha langit.
Tagan Mo kami niyan han karan’on namon ha ikinaadlaw, pagwad’on Mo an amon mga hala sugad han pagwara namon han nakahala ha amon ngan diri Mo kami bayaan basi diri kami pagdag’on han mga panulay kundi bawi-a kami ha mga karat’an. Amen.
MAGHIMAYA KA, MARIA
Maghimaya ka, Maria nga puno ka hin gracia, an Ginoo nga Dios aada ha imo, gindadayaw ka labi han mga babaye ngatanan, ngan gindadayaw man an bunga han tiyan mo, hi Jesus.
Santa Maria, Iroy ha Dios, ig-ampo mo kami an magpakahahala, niyan ug ha oras ha amon ikamatay. Amen.
HIMAYA SA AMAY
Himaya sa Amay, ug sa Anak, ug sa Espiritu Santo.
Sugad hadton tinikangan, niyan, ha kadayunan ug ha ngatanan nga mga katuigan. Amen.
O JESUS KO (Fatima Prayer)
O Jesus ko pahaylo-a kami han amon mga hala, gawha kami han kalayo ha impiyerno, dad-a ha langit an mga kalag ngatanan, labi na gud an nagkikinahanglan han imo pagkalooy.
MGA MISTERYO
Mga Misteryo han KALIPAY (Lunes ug Sabado)
- An kahimo nga tawo han Dios Anak didto han putli nga tiyan ni Maria Santisima. (Luke 1,26-38)
- An pagdu-aw ni Maria Santisima kan Santa Isabel. (Luke 1,39-56)
- An pagkatawo han Anak han Dios didto ha Belen. (Luke 2,7-19)
- An paghalad hin pagputli ni Maria didto ha templo ha Jerusalem.(Luke 2,22-32)
- An kawara han Diosnon nga Bata nga didto hi agi-I ha templo. (Luke 2, 41-52)
Mga Misteryo han KASAKIT (Martes ug Viernes)
- An pag-ampo ni Jesucisto didto ha Getsemani. (Matthew 26, 36-50)
- An paghampaka han aton Ginoo Jesucristo. (Matthew 27,22-26)
- An pag-pudongpudongi han aton Ginoo hin mga tunok. (Matthew 27,27-30)
- An pagpas-an ni Jesucristo han mabug-at nga Cruz. (Luke 23,26-31)
- An pag-raysanga ug pag-kamatay han aton Ginoo Jesucristo didto ha Cruz. (John 19,28-30)
Mga Misteryo han HIMAYA (Mierkoles ug Domingo)
- An pagkabanhaw han aton Ginoo Jesucristo. (Matthew 28,5-7)
- An pagsaka ha langit han aton Ginoo Jesucristo. (Mark 16,19)
- An pagkunsad han Espiritu Santo ngada kan Maria Satisima ug an mga Apostoles. (Acts 2,2-4)
- An pagsak-an ha langit kan Maria Santisima. (Ps 45:13-15)
- An pag-pudongpudongi kan Maria Santisima hin pagka Hadi han mga angeles ug mga santos ha langit. (Revelation 12,1)
Mga Misteryo han KAHAYAG (Hueves)
- An pagbunyagi kan Jesus ha salog han Hordan. (Matthew 3, 13-17)
- An pagpadayag ni Jesus didto han kasal ha Cana. (John 2, 1-11)
- An pagsangyaw ni Jesus han ginhadian ha Dios, upod in pagtawag ha pagtoo. (Mark 1: 14-15)
- An paglubad han dagway ni Jesus. (Mark 9:2-8)
- An pagtukod ni Jesus han sakramento han Yukaristiya. (Lk. 22:14-2)
MAGHIMAYA KA REYNA (Salve Regina)
Maghimaya ka, reyna, Iroy han kalooy! Kinabuhi, kinatam-is ug ginlalauman namon, maghimaya ka; nagpapanawag kami ha imo, an mga pinan-hingilinan nga mga anak ni Eva. Kami ha imo nangangaraba, nag-ngongoyngoy ug nananangis dinhi hinin kalibutan nga luhaan. Tara, Señora, nga mag-arampo ka namon, ilingi mo ha amon an imo mga mata nga maloloy-on. Ngan kon tapus na an pang-hingilin, ipakita mo ha amon an imo anak, hi Jesus. Ay maaghupon, ay maloloy-on, ay matam-is nga Virgen Maria.
LITANIA HAN VIRGEN
Ginoo, kalooye kami, Ginoo, kalooye kami.
Cristo, kalooye kami, Cristo, kalooye kami.
Ginoo, kalooye kami, Ginoo, kalooye kami.
Cristo, pamati-a kami, Cristo, pamati-a kami.
Cristo, dungga kami, Cristo, dungga kami.
Dios, Amay ha mga langit, ● kalooye kami.
Dios, Anak, Manunubos han kalibutan, ●
Dios, Espiritu Hanto, ●
Santos nga Trinidad, uusa la nga Dios, ●
Santa Maria, ● Ig-ampo mo kami.
Santos nga Iroy ha Dios, ●
Santos nga Virgen han mga virgin, ●
Iroy ni Cristo, ● Ig-ampo mo kami.
Iroy han diosnon nga gracia, ●
Iroy nga labi kauray, ●
Iroy nga labi kaputli, ●
Iroy nga waray hilabti, ●
Iroy nga waray hidum-iti, ●
Iroy nga hirigugmaon, ●
Iroy nga orosahon, ●
Iroy han maupay nga kasalagdunan, ●
Iroy han Taglarang, ●
Iroy han Manunubos, ●
Virgen nga labi ka but’anon, ● Ig-ampo mo kami.
Virgen nga talahuron, ●
Virgen nga ig-sarangyaw, ●
Virgen nga gamhanan, ●
Virgen nga maloloy’on, ●
Virgen nga matinumanon, ●
Salaming han katadungan, ● Ig-ampo mo kami.
Lingkuranan han kinaadman, ●
Tinikangan han amon kalipay, ●
Baso nga espirituhanon, ●
Baso nga dungganan, ●
Baso nga hamili han kamainampuon, ●
Bukad nga kalagnon, ●
Lantawan ni David, ●
Lantawan nga tipuso, ●
Balay nga bulawan, ●
Hinipusan han ginsaaran, ●
Ganghaan han langit, ●
Bitoon han kaagahon, ●
Kinabuhi han magsinakiton, ●
Darangpan han mag-pakahahala, ●
Maglili-aw han magbiduon, ●
Hinabang han mga cristianos, ●
Reyna han Ka angelehan, ● Ig-ampo mo kami.
Reyna han mga Patriarcas, ●
Reyna han mga Profetas, ●
Reyna han mga Apostoles, ●
Reyna han mga Martires, ●
Reyna han mga Confesores, ●
Reyna han mga Virgenes, ●
Reyna han ngatanan nga mga Santos, ●
Reyna nga iginpanamkon nga waray sala nga panurondon, ●
Reyna nga iginsaka ha langit, ●
Reyna han gihahantosi nga Rosario, ●
Reyna han kadaet, ●
Cordero sa Dios nga nagkukuha Ka han mga hala han kalibutan,
Talwasa kami, Ginoo.
Cordero ha Dios nga nagkukuha Ka han mga hala han kalibutan,
Dungga kami, Ginoo.
Cordero ha Dios nga nagkukuha Ka han mga hala han kalibutan,
Kalooye kami.
– Ig-ampo mo kami, Hantos nga Iroy ha Dios.
– Basi kami matakus pag-sangput han mga saad ni Jesucristo.
Amen.
PAG-AMPO
O Dios, kay ilinukat man kami han Imo bugtong nga Anak, pinaagi han Iya kinabuhi, kamatayon ug pagkabanhaw, han mga balus han kinabuhi nga dayon, nangangamuyo kami ha Imo nga kami an nagpapalandong han mga misterio han gisasantosi nga Rosaryo han baraan nga Virgen Maria, makasunod unta kami han mga tutdo hini nga mga misterio ug makadangat kami han ira mga iginsasaad. Tungud kan Jesucristo ngahaw nga amon Ginoo. Amen.
TIGAMAN HAN CRUZ
Ha ngaran han Amay ug han Anak + ug han Espiritu Santo. Amen.