Mga bukad nga Espirituhanon nga sadang ihalad Halad han Birhen hini nga Bulan han Mayo
HomeMga bukad nga Espirituhanon nga sadang ihalad Halad han Birhen hini nga Bulan han Mayo
- Pangadye han bug-os nga Rosaryo (upat nga mga misteryo) tungod han Santo Papa.
- Pangadie han bug-os nga Rosario (upat nga mga misteryo) tungud han aton Obispo ug aton parokya.
- Pangadye han bug-os nga Rosaryo (upat nga mga misteryo) tungod han mga misionero.
- Pangadye han bug-os nga Rosaryo (upat nga mga misteryo) tungod han mga Kapunungan/hugpo han Singbahan.
- Pangadye han bug-os nga Rosario (upat nga mga misteryo) tungud han mga panimalay/pamilya.
- Pamalandong hin kanan 30 minutos han kasakitan han Manunubos ni Maria Santisima didto ha Calvario, pagbayad han imo mga sala nga dagko.
- Pagpamisa ug pagsingba nga ipahanunungud han mga kalag ha purgatorio.
- Pagpamisa ug pagsingba nga ipahanunungud han mga kabataan, kadaragan-an ug ka-olitawhan han bungto.
- Pagpamisa ug Pagsingba nga ipahanunungud han kapadian han imo parroquia.
- Diri pagtilaw dida ha iyo pagkaon han karan-on nga labi mo ka-ayon ha pag-angbit han mga kasakitan han Ginoo (tungud hin pagdumdum han apdo ug suoy nga iguinpa-inum han Manunubos).
- Pagdu-aw han mga magsakit ug paglipay ha ira hin paglaum nga espirituhanon. (Makausa hit semana).
- Pagduaw han Santisimo makausa kada semana: syhan nga semana, tungud han ngatanan nga makasasala; ikaduha nga semana,tungod han nga amay ug iroy han mga panimalay; ikatulo nga semana, tungod han mga harayo han Dyos ug diri nasingba ug nagtatampalas han ngaran han Dyos ug ni Maria; ikaupat nga semana, tungod han mga magsakit ug naghihingutas hito nga adlaw.
- Pagbulig hin bisan hino nga nagkikinahanglan.
- Pagpakaon hin mga por lo menos lima nga kabataan nga mga kablas.
- Pagpuasa makausa kada duha ka semana nga ipahanunungud han tawo nga labi mo kamaka-oorit ug diri nimo ayon.
- Pagdara ha singbahan ug pagpasingba hin tulo ka tawo nga diri gud nasingba (bisan kun waray sakit ug kabilinggan).
- Pag-ampo ha imo kasingkasing : “O Maria nga iginpanamkon nga waray sala, ig-ampo mo kami nga nadangup ha imo” ha ikinapagtuktuk han oras han relo samtang nagmamata ka pa ha pagdayaw han ngaran ni Maria.
- Pangadye hin lima na “Natoo ako”, nga nagdudupa an butkon, pagbayad han mga sala nga nabubuhat han mga diri natoo han Dyos.
- Pangadye han Via Crucis tungud hadton nagnanamastamas han ngaran han Dyos.
- Pangadye han Via Crucis tungud hadton mga kawatan, labi na gud adton mga nahuhugay hin mga bisyo ha kinabuhi.
- Pangadye han Via Crucis tungud hadton mag-atohon hin mga kag-anak.
- Pagtutdo han pag-Rosaryo ha diri pa maaram.
- Pagduaw hin mga kalagasan labi na gud an diri na nakakasingba ug diri gud natatagan hin igo nga pag-ataman.
- Pagpamisa ug pagsingba (ug pagkomulga) ha pagbayad han mga eskandalo nga imo nabuhat ha magraut nga susgaranan nga imo nahahatag han igkasitawo.
- Pagpamisa ug pagsingba (ug pagkomulga) nga ipahanunungud hadto mga tawo nga diri nagtagad hin pagsingba ug paglihe han mga Domingo ug mga iglelehe.
- Pagbulig hin ano man nga maaakos ha paglimpyo han singbahan makausa kada semana
- Paghatag hin darodako nga limos, sugad han imo mahimo, ha mga kabus. (Makaduha hit semana).
- Paghatag hin kalipay o ha mga tawo nga imo igkakatapo makausa kada semana.
- Ikinapagbati mo hin libak o pakaraot han igkasitawo o maglaw-ay, pangadye dayon hin tolo nga Maghimaya ka Maria bisan la ha imo hunahuna.
- Pagbasa han Bibliya labi na an ebanghelyo hito nga adlaw ngan pamalandong hiton ginbasa ma treinta minutos.
- Pangadye hin napulo kagduha nga Maghimaya ka Reyna han atubangan han ladawan han Virgen, nga magpapas unta na mga paggidumotdumot han mga tawo, makausa kada semana ha bulan han Mayo.
