Nabanhaw na hi Hesus, pagrayhak kita! Alleluia!!!
Dida han iya kabanhaw, ada an aton paglaom ug kalipay.
Dida han iya kabanhaw, aton ginsasaurog an kinabuhi.
Hi Hesus nga nabanhaw amo an sentro han aton Kristohanon nga pagtoo. Sanglit, ha luyo hini nga aton yana gin-aagian nga krisis, ayaw kita kangalimot nga kaupod naton an Diyos nga mayda gahum labaw hini nga mga kataragman.
Tungod hini, dad-on naton ini nga mensahe han gahum han Diysos ha ngatanan nga tawo labi na gud ha mga kablas ug adton nag-uukoy ha kawurok ug kahadlok.
Buksan ta an aton tagsa-tagsa nga kasing-kasing hini nga makaaramdok nga mensahe han aton Ginoo. Kaupod ni Hesus, pagpa-angbit kita hit aton kinabuhi ngadto ha iba. Sugad ha iya, pilion ta gihap an pag-ukoy han at kinabuhi para ha iba labi na yana nga takna hin kakurian.
Ha aton pagsaurog yana han ika kenyentos katuig han Kristiyanismo ha aton nasud, ginhahagit kita ngatanan hin pagpahilarom pa han at PAGTOO kan Hesus, pagpadig-on han aton PAGLAOM dida han kinabuhi nga dayon, ngan labaw han ngatanan, pagpkusog han at PAGHIGUGMA dida han aton adlaw-adlaw nga kinabuhi labi na hadton mga nanginginahanglan.
Bungto sa Diyos, BUHI AN ATON GINOO. Nabanhaw hiya ha mga minatay. Paglipay ngan pagrayhak kita! Alleluia!!!
HAPPY EASTER HA IYO NGATANAN!!!