Mga kabugtuan ko dida kan Jesucristo!
Masulod na liwat kita ha panahon han Semana Santa. Higayon ini para kumita kita han aton kalugaringon. Han aton relasyon ha aton pamilya, ug mga kabugtuan.
Aanhi ita yana hin panahon hin dako nga kataragman. Nagsasakit kita tungod hini nga pandemia. Ini nga aton pagsakit makaaghat unta ha aton hin pagbasol han aton mga sala. Ug ini magdara ha aton hin pagbalik sa Diyos, Mangaro kita hin pasaylo han aton mga sala.
An sala amo an nakakapa-bulag ha aton han Diyos. Kun harayo kita ha Diyos, aada kita hin karat-an. Pangaro kita hin grasya hini nga panahon hin pagsari, nga magbuhat kita hin mga burohaton nga makakabulig han panginahanglan han ngatanan nga katawhan.
Pinaagi han aton pag-paid ug kalooy ha matag-usa, matatalwas kita tikang hini nga krisis, ug magtugway unta ini ha aton ngadto hin pagbag-o ug pagkabaran. Magmahinungdanon ug mabungahon unta an aton pagsaurog yana han Seman Santa ug maghatag hin kabag-uhan ha aton kinabuhi.
Mag aampo ako para ha iyo ngatanan!