Mga hinigugma ko, ha aton pagsugat han bag-o nga tuig, unta mawara na ini nga COVID. Magpasalamat kita sa Diyos. Ha luyo han kakurian nga aton gin agian damo nga grasyaban aton nakarawat. Yana nga tuig (2021) aton pag-saurogon an ika kenyentos ka tuig han Kristiyanismo dinhi ha aton nasud Pilipinas. Mapasalamaton kita han Diyos han pagtuo nga aton nakarawat tikang han mga misyonero nga kumanhi pagpasangyaw han maupay nga sumat.
Dida hin mapinasalamaton nga kasingkasing, aton man liwat igpasangyaw an aton pagtoo ngadto ha iba. Amo ini an aton misyon yana, nga hi kita magpasangyaw man liwat han aton pagtoo ngadto ha iba. Pagpasangyaw kita pinaagi han aton mga buhat hin gugma ug kalooy. An pinaka epektibo nga pagpasangyaw han gugma han Diyos, amo an paghigugma ha aton igkasitawo. Aton konkreto nga ginpapakita an paghigugma pinaagi hin pagbulig ug han aton igkasitawo, pag atiman han iba nga tawo, labi na gud an mga nagkukuri yana nga panahon.
Ini nga krisis nga aton gin aagian usa ini nga higayon para kita makapakita hin gugma ha aton igkasitawo. Pinaagi han aton pagburublig nakakahatag kita hin paglaom ha iba. Nakakahatag kita hin kalipay, ug malaumon kita ngatanan nga makaka-aling gawas kita tikang hini nga kakurian.
An aton mahal nga Iroy hi Maria Santissima, magdara unta ha aton ngadto han iya mahigugmaon nga anak nga amo an aton kapawa ug magtaralwas. Mainuswagon nga bag-o nga tuig ha iyo ngatanan.
Happy New Year 2020. God bless us all. AMEN!