O Dyos amon Amay, nadaraon kami ha imo
ha amon panginahanglan han imo panalipod
pagsupil han COVID-19
nga nakaawat na hin mga kinabuhi
ngan nakadarahig hin damo nga mga tawo.
Nangangamuyo kami han imo grasya
tungod han mga tawo nga gintuinan
hin pag-aram han kinaiya ug hinungdan hini nga kagaw ug sakit
ngan hin pagpugong han padayon nga pagtapon hini.
Tugwayi an mga nanginginano bahin han maupay nga panlawas
basi hira mag-ataman han mga magsakit
inupdan hin kamakarit ug pagpaid
ngan an mga ahensya ha gobyerno ug pribado
nga angay mamiling hin bulong ug kabatonan
bahin hini nga naglulurab nga sakit.
Nagaampo kami tungod han mga magsakit
basi mahibalik dayon an Ira maupay nga panlawas
Hatagi kami hin grasya ha pagbuhat
tungod han kaupayan han ngatanan
ngan ha pagbulig han mga nagkikinahanglan.
Pinaagi han amon Ginoo Jesucristo imo Anak
nga nabubuhi ug naghahadi, dida ha pagkausa han Espiritu Santo
Dyos ha dayon nga katuigan.
Amen.
O Maria, panabang han mga kristyano, ig-ampo mo kami.
San Rafael Arkanghel, ig-ampo mo kami.
San Roque, ig-ampo mo kami.
San Lorenzo Ruiz, ig-ampo mo kami.
San Pedro Calungsod, ig-ampo mo kami.
